"Реал"нинг собиқ бош мураббийи Зинедин Зидан фаолиятида учинчи марта мадридликлар бош мураббийи бўлмоқчи. Diario Sport хабарига кўра, франциялик мутахассиснинг шартларидан бири "Лион"нинг 19 ёшли ярим ҳимоячиси Райан Шеркининг трансфери бўлиб, унинг нархи 50 миллион еврога баҳоланмоқда.
Эслатиб ўтамиз, мавсум якунида "қироллик клуби"нинг амалдаги устози Карло Анчелотти бирорта муҳим совринни қўлга кирита олмаса, ўз лавозимини тарк этиши мумкин. Испания чемпионатида жамоа пешқадам “Барселона”дан 8 очкога ортда қолмоқда.
Зидан "Реал"ни 2016-2018 ва 2019-2021 йилларда бошқарган. Бу даврда француз икки марта Ла Лига ва уч бор Чемпионлар лигасида ғолиб чиқди.