"Барселона" ёзда "Атлетик" ҳимоячиси Иньиго Мартинесни эркин агент сифатида сотиб олмоқчи, унинг басклар билан шартномаси июнь ойи охирида тугайди.
"Атлетико" ҳам 31 ёшли Мартинес билан ҳимоя чизиғии кучайтиришга қарши эмас, бироқ футболчи фаолиятини "Барселона"да давом эттирмоқчи.
Каталонияда молиявий фэйр-плей билан боғлиқ муаммолар туфайли футболчини рўйхатдан ўтказиш имкониятига ҳали ишончлари комил эмас. Бироқ, Мартинес охирги дақиқагача кутишга тайёр.
"Барселона" Мартинесни кузда фаолиятини якунлаган Жерар Пике ўрнига идеал ўринбосар сифатида кўрмоқда.
Қайд этилишича, “Атлетик” ҳимоячи билан шартномани узайтириш учун боғланмаган.
Мартинес жорий мавсумда 10 та ўйинда майдонга тушди.
