"Брентфорд" бош мураббийи Томас Франк "Арсенал" сафида ушбу мавсумда ўзига ёқадиган футболчи номини айтди.
"Эҳтимол, "Арсенал"нинг бугунги етакчилигининг калити шу ёзда ижарадан қайтган Уильям Салиба бўлгандир. Ўйлайманки, у ўтган мавсумда жамоанинг етишмаётган бўғини бўлган", - деди Франк ўйинолди матбуот анжуманида.
Жорий мавсумда Салиба “канонирлар”нинг асосий ҳимоячиларидан бири, боз устига, футболчи эндигина 21 ёшда. У мавсум давомида барча турнирларда 24 та ўйинда майдонга тушиб, икки бор гол урган ва бир марта голли узатма берган. Футболчи Қатарда бўлиб ўтган жаҳон чемпионатида кумуш медаль соҳибига айланди.
