Франциянинг "ПСЖ" клубига эгалик қилувчи Қатар амири Тамин бин Ҳамад ал-Тани Европанинг яна бир топ-клуби улушини сотиб олмоқчи. The Telegraph хабарига кўра, гап Англиянинг "Манчестер Юнайтед"и ҳақида кетмоқда.
Манбага кўра, Шайхнинг стратегияси УЕФАга клубларнинг ҳар бири алоҳида ташкилот томонидан назорат қилинишини кўрсатишдан иборат, чунки қоидалар битта турнирда иштирок этувчи жамоаларнинг битта хўжайинга эга бўлишини тақиқлайди. Қатар томони бу муаммога ечим изламоқда.
Эслатиб ўтамиз, айни дамда "Манчестер Юнайтед"нинг эгаси Глейзерлар оиласи ҳисобланади.
