"Челси" бош мураббийи Грэм Поттер 38 ёшли марказий ҳимоячи Тиаго Силва билан шартнома узайтирилгани ҳақидаги хабарга изоҳ берди. Бразилиялик футболчи кейинги мавсум охиригача жамоада қолади.
"Силва билан шартномани узайтирганимиздан жуда хурсандман. У биз учун майдонда ҳам, ундан ташқарида ҳам жуда муҳим футболчи. Унинг Бадьяшиле билан бўлган муносабати кўрсатилган. У ёш ўйинчилар учун ажойиб ёрдам беради" - деди Поттер матбуот анжуманида.
Эслатиб ўтамиз, Силва "Челси"га 2020 йилнинг ёзида "ПСЖ"дан текинга ўтганди. Аввалроқ, бразилиялик ҳимоячи Италияда "Милан" шарафини ҳимоя қилишга ҳам муваффақ бўлганди.
