«Милан» ҳужумчи Рафаэль Леау билан шартномани узайтириш борасидаги музокараларда ҳеч қандай муваффақиятга эриша олмади.
Бу ҳақда клуб директори Паоло Мальдини маълум қилди. «Биз Леау билан ўзаро келишувни узайтириш устида ишлаяпмиз. Ҳозирча бир нуқтадамиз, аммо ҳозир янги шартнома имзолаш ҳақида ўйлаш учун энг яхши вақт эмас.
Футболчининг агентлари билан бир нечта учрашувлар режалаштирилган, аммо буни видеоалоқа орқали хотиржамлик билан муҳокама қилиш мумкин», - деди Мальдини.
Рафанинг миланликлар билан амалдаги шартномаси 2024 йилнинг ёзига қадар мўлжалланган.
