6 февралда бошланган ҳакамлар учун учинчи қишки ўқув-машғулотлари бугун ниҳоясига етди. Унда Суперлига ҳакамлари жисмоний тайёргарлик, ўйин қоидалари ва унга киритилган ўзгаришлар ва видеороликларни таҳлил қилиш машғулотларида иштирок этишди. Шунингдек, назорат баҳсларида ВАРдан фойдаланилди.
Семинар машғулотлари давомида ҳакамларга фавқулодда ҳолатлар вақтида жароҳатланган инсонга тез тиббий ёрдам кўрсатиш бўйича тажрибали мутахассис томонидан тегишли кўрсатмалар берилди.
Семинарда ҳакамлар қайд этган натижалар инструкторлар томонидан ўрганиб чиқилади ва барча кўрсаткичлари муваффақиятли деб топилганлари янги мавсумда фаолият олиб бориш учун тавсия этилади.