"Челси" бош мураббийи Грэм Поттер нима учун марказий ҳимоячи Бенуа Бадиашилени Чемпионлар лигаси плей-офф босқичи қайдномасига киритмаганини тушунтириб бера олмади.
Эслатиб ўтамиз, "кўклар" турнирнинг плей-офф босқичида қишда янги келган учта футболчини рўйхатдан ўтказишлари мумкин эди. Энцо Фернандес, Жоау Феликс ва Михаил Мудрик якуний қайдномадан жой олишди.
"Нега мен Бедиашилени Чемпионлар лигаси плей-офф босқичи қайдномасига қўшмадим? Ҳозир бу ҳақда гапиришнинг вақти эмас. Бенуа бор эътиборини "Вест Хэм"га қарши ўйинга қаратган. Бадиашиленинг машғулотларда қандай ишлашидан мамнунмиз. Чемпионлар лигаси ўйини вақти келганда, биз ечим топамиз" - деди Поттер матбуот анжуманида.
