"Лечче" спорт директори Панталео Корвино "Ювентус" ҳужумчиси Душан Влаҳовичга жамоа Чемпионлар лигасига чиқа олмаса ҳам мавсум охирида "кекса синьора"ни тарк этмасликни маслаҳат берди.
Эътибор беринг, айнан Корвино ўз вақтида сербиялик ҳужумчини "Фиорентина"да спорт директори лавозимида ишлаганида трансфер қилган эди.
“Душан ҳали ёш. Мен унга жамоа Чемпионлар лигасига чиқа олмаса ҳам "Ювентус"да қолишни маслаҳат бераман. "Ювентус" ҳар доим "Ювентус", жуда рақобатбардош жамоа. Бўрондан кейин ҳар доим хотиржамлик бўлади", - дея Корвино сўзларини келтиради Football Italia.
Эслатиб ўтамиз, аввалроқ Влахович мавсум якунида “Ювентус”ни тарк этмоқчилиги ҳақида хабарлар тарқалган эди.
