Мадриднинг “Реал” клуби клублар ўртасидаги жаҳон чемпионати финалида Саудия Арабистонининг “Ал-Ҳилол” клубини 5:3 ҳисобида мағлуб этди.
Мадридликлар таркибида ҳужумчи Винисиус ва ярим ҳимоячи Федерико Вальверде дубл қайд этишди. Яна бир гол ҳужумчи Карим Бензема томонидан киритилди.
“Ал-Ҳилол” ҳужумчиси Виетто ҳисобида иккита тўп, ҳужумчи Мусса Марега ҳисобида яна бир гол бор.
Голлар:
1:0 – 13 Винисиус Жуниор, 2:0 – 18 Вальверде, 2:1 – 26 Марега, 3:1 – 54 Бензема, 4:1 – 58 Вальверде, 4:2 – 63 Вьетто, 5:2 – 69 Винисиус Жуниор, 5:3 – 79 Вьетто.
"Реал Мадрид" – Лунин, Карвахаль (Вальехо, 79), Алаба, Рюдигер, Камавинга, Модрич (Начо, 74), Кроос (Асенсио, 74), Тчуамени (Себальос, 62), Вальверде, Бензема (Родриго, 62), Винисиус Жуниор.
"Ал-Хилол" – Аль-Маюф, Абдельхамид, Чжан Хен Су, Аль-Булайхи, Аль-Досари, Каррильо (Майкл Ричард, 75), Куэльяр, Аль-Досари (Аль-Досари, 75), Канно, Вьетто (Аль-Хамдан, 87), Марега (Игало, 86).
Мадриднинг “Реал” клуби ўз тарихида бешинчи марта клублар ўртасидаги жаҳон чемпионатида ғалаба қозонди ва бу рекорд ҳисобланади. Мадридликлар бунгача 2014, 2016, 2017 ва 2018 йилларда ғалаба қозонган.
"Қаймоқранглилар" бош мураббийи Карло Анчелотти фаолиятида учинчи марта клублар ўртасидаги жаҳон чемпиони бўлди. У буни икки марта "Реал Мадрид" билан ва бир марта "Милан" билан амалга оширди.
