Madridning “Real” klubi klublar o‘rtasidagi jahon chempionati finalida Saudiya Arabistonining “Al-Hilol” klubini 5:3 hisobida mag‘lub etdi.
Madridliklar tarkibida hujumchi Vinisius va yarim himoyachi Federiko Valverde dubl qayd etishdi. Yana bir gol hujumchi Karim Benzema tomonidan kiritildi.
“Al-Hilol” hujumchisi Viyetto hisobida ikkita to‘p, hujumchi Mussa Marega hisobida yana bir gol bor.
Gollar:
1:0 – 13 Vinisius Junior, 2:0 – 18 Valverde, 2:1 – 26 Marega, 3:1 – 54 Benzema, 4:1 – 58 Valverde, 4:2 – 63 Vyetto, 5:2 – 69 Vinisius Junior, 5:3 – 79 Vyetto.
"Real Madrid" – Lunin, Karvaxal (Valyexo, 79), Alaba, Ryudiger, Kamavinga, Modrich (Nacho, 74), Kroos (Asensio, 74), Tchuameni (Sebalyos, 62), Valverde, Benzema (Rodrigo, 62), Vinisius Junior.
"Al-Xilol" – Al-Mayuf, Abdelxamid, Chjan Xen Su, Al-Bulayxi, Al-Dosari, Karrilyo (Maykl Richard, 75), Kuelyar, Al-Dosari (Al-Dosari, 75), Kanno, Vyetto (Al-Xamdan, 87), Marega (Igalo, 86).
Madridning “Real” klubi o‘z tarixida beshinchi marta klublar o‘rtasidagi jahon chempionatida g‘alaba qozondi va bu rekord hisoblanadi. Madridliklar bungacha 2014, 2016, 2017 va 2018 yillarda g‘alaba qozongan.
"Qaymoqranglilar" bosh murabbiyi Karlo Anchelotti faoliyatida uchinchi marta klublar o‘rtasidagi jahon chempioni bo‘ldi. U buni ikki marta "Real Madrid" bilan va bir marta "Milan" bilan amalga oshirdi.
