«Манчестер Юнайтед» бош мураббийи Эрик тен Хагнинг фикрича, клубга совринларни ютиш учун энг яхши футболчилар зарур.
«Агар биз «Манчестер Юнайтед»ни жонлантирмоқчи бўлсак, ҳар бир позиция учун камида иккитадан топ футболчи керак, чунки биз кўплаб мусобақаларда ўйнашни хоҳлаймиз.
Бизда кадрлар етарли бўлмаган баъзи позициялар бор ва агар сиз энг юқори совринлар учун курашмоқчи бўлсангиз, бу муаммоларни ҳал қилишингиз керак», - деди Тен Хаг.
«Манчестер Юнайтед» жорий мавсум АПЛда 22 турдан кейин 43 очко билан учинчи ўринда бормоқда. 12 февраль куни жамоа меҳмонда «Лидс» билан ўйнайди.
