Роман Абрамовичнинг вакили Бразилияда клуб сотиб олиш режалари ҳақидаги маълумотни рад этди.

Бразилиянинг Fanaticos портали Абрамович Европа жамоаларига сармоя киритиш билан боғлиқ муаммоларга учраганини маълум қилди. 

Манбага кўра у шу туфайли у Бразилия клубларини сотиб олишга қизиқмоқда. Рўйхатда иккинчи дивизиондан «Атлетико Минейро», «Сан-Паулу» ва «Лондрина» борлиги айтилган.

«Бразилияда клуб сотиб олиш ҳақидаги тахмин ҳақиқатга тўғри келмайди», - деди тадбиркорнинг матбуот хизмати вакили.

Эслатиб ўтамиз, Абрамович 2003-2022 йилларда Англиянинг «Челси» клуби хўжайини бўлган.