Луиш Кампуш «ПСЖ»нинг кечаги мағлубиятдан сўнг Неймар билан жанжаллашди.

Шанба куни Лига 1нинг 23-тури доирасида «ПСЖ» сафарда «Монако»га 1:3 ҳисобида имкониятни бой берди.

Ўшанда кийиниш хонасида Неймар ва «ПСЖ» футбол маслаҳатчиси Луиш Кампуш ўртасида португал тилида жанжал келиб чиққан. Суҳбатда жамоа сардори Маркиньос ҳам иштирок этди.

Маълум қилинишича, Кампуш биринчи бўлимдан сўнг танаффусда «ПСЖ»нинг ўйинидан норози бўлиб, баъзи футболчиларга нисбатан қаттиқ гапирган.

Аввалроқ, «ПСЖ» Франция кубоги 1/8 финал босқичида «Марсел»га ютқазган эди (1:2). 14 февраль, сешанба куни парижликлар Чемпионлар лигаси плей-офф босқичининг биринчи ўйинини «Бавария»га қарши ўтказади.