"Ювентус" кетма-кет учта ўйинда ўз дарвозасидан гол ўтказмасдан ғалаба қозонди.

Турин клуби А Сериянинг 22-турида ўз майдонида “Фиорентина”ни мағлуб этди (1:0).

Мураббий Массимилиано Аллегри жамоаси бунгача “Салернитана”ни сафарда мағлуб этган (3:0) ва ўз майдонида “Лацио”дан (1:0) устун келган эди. Унгача эса “бьянконерилар” Италия чемпионатида иккита мағлубият ва бир дуранг қайд этганди.

А Серия жадвалида аввалроқ 15 очко олиб ташланган "Ювентус" 29 очко билан 9-ўринда бормоқда.

16 февраль куни “Юве” Европа лигаси доирасида “Нант”ни қабул қилса, 19-да “Специя” билан сафарда ўйнайди.