Йигирма беш йиллик ҳақиқий дўстлик - "Сампдория"нинг ҳозирги бош мураббийи Деян Станкович Синиша Михайлович билан муносабатларини шундай таърифлади. Эслатиб ўтамиз, Михайлович ўтган йилнинг охирида вафот этган, у бир неча йиллардан бери лейкемия касаллиги билан курашиб келганди.
"Синиша ҳеч қандай "лекин"сиз, конвенциясиз ҳақиқий инсон эди. Бизни 25 йиллик дўстлик боғлади. Баъзида қандай тактикани танлаш, қандай ўйнаш, кимни таркибга қўйиш каби иккиланишларга дуч келганимда, Синиша эсимга тушиб, унга ақлан савол бераман ва ўйлайман - у нима деб жавоб беради?", - деди Станкович fcinter1908.it билан суҳбатда.
