"Милан" бош мураббийи Стефано Пиоли "Тоттенхэм"га қарши Чемпионлар лигаси ўйини олдидан душанба куни бўлиб ўтган матбуот анжуманида Англия ва Италия футболини солиштирди.
"Агар иқтисодий даража ҳақида гапирадиган бўлсак, унда инглизларга тенг келадигани йўқ. Маданият ва бошқа кўплаб жиҳатларга келсак, бу ҳақда кейинроқ гапиришимиз мумкин. Ҳозир бунинг вақти эмас.
Чемпионлар лигасининг 1/8 финалида кўплаб италиялик мураббийлар борми? Анчелотти - афсона. Конте ва Спалетти ҳақида ҳам шундай дейиш мумкин. Бизда яхши мураббийлик мактаби бор” - деди Пиоли матбуот анжуманида.
"Милан" ва "Тоттенхэм" ўртасидаги Чемпионлар лигаси 1/8 финалининг илк учрашуви 14 февраль куни тунда бўлиб ўтади.
