"Бавария" бош мураббийи Юлиан Нагельсманн "ПСЖ"га қарши бўлиб ўтадиган Чемпионлар лигаси 1/8 финал учрашувидан олдин фикрлари билан ўртоқлашди.

“Биз энг яхши фазилатларимизни кўрсатишга ва ғалаба қозонишга ҳаракат қиламиз. Умид қиламанки, ушбу турнирни кутиш ўйинимизга бироз янгилик олиб келади. Охирги учта ўйинда ғалаба қозондик ва шу руҳда давом этишимиз керак. Футболда ҳар доим ёмон даврлар бўлади. "ПСЖ" - фантастик жамоа ва Чемпионлар лигасида ҳамма нарса бўлиши мумкин.

Мессини қандай тўхтатиш керак? Сиз буни фақат жамоада қилишингиз мумкин. Биз Месси ва Неймарнинг пасларини чеклашимиз керак. Уларда ҳам катта тезликда бурчак ҳимоячилари ва кўплаб иқтидорли футболчилар бор. “ПСЖ” ҳам футболчиларимизни қандай қилиб тўхтатиш ҳақида ўйлайди. Бундай ўйинда жамоавий ўйин ҳал қилувчи омил бўлади", - дея Нагелсманн сўзларини келтиради УEФА матбуот хизмати.

Бугун, 14 февраль куни Парижда “ПСЖ” – “Бавария”нинг 1/8 финал дастлабки учрашуви бўлиб ўтади. Жавоб ўйини 8 март куни Мюнхенда бўлиб ўтади.