Иқтидорли ҳужумчи Бобур Фарҳодов мавсум-2023ни “Андижон” сафида бошлайдиган бўлди. Мазкур футболчи ҳам бошқалар қатори 2 йиллик шартномага қўл қўйди.

Футболчи ўз таассуротлари билан ўртоқлашди.

“Дастлабки таассуротларим катта. Яхши жамоага келиб қўшилдим, клубдаги ҳамма бир-бири билан аҳил ва иноқ. Худо хоҳласа, Суперлигада ажойиб ўйинлар намойиш этган ҳолда ашаддий мухлисларимизни ғалабаларимиз билан хурсанд қиламиз”, - дейди Фарҳодов.

Бизнинг маълумот:
Бобур Фарҳодов
Туғилган санаси: 11.02.1996
Амплуаси: ҳужумчи
Бўйи: 186
Вазни: 80
Тўп сурган клублари: “Бунёдкор” (Ўзбекистон), “Бухоро” (Ўзбекистон), “Миния” (Литва), “Сўғдиёна” (Ўзбекистон), “Хоразм” (Ўзбекистон), “Металлург” (Ўзбекистон).

"Андижон" матбуот хизмати.