Мадриднинг “Атлетико” клуби яқин орада марказий ҳимоячи Хосе Хименесдан қутулиш ҳақида жиддий ўйламоқда. Журналист Девид Мединанинг ижтимоий тармоқларда ёзишича, ҳозирда "Атлетико" раҳбарияти уругвайликни сотиш барча томонлар учун ёзда энг яхши қарор бўлади, деб ўйлайди.
Футболчининг ўзи қолишни истайди, аммо жамоа раҳбариятига қайта қуришни бошлаш учун трансферлар керак. Қолаверса, "Атлетико" раҳбарияти Хименеснинг тез-тез жароҳатланишидан мамнун эмас.













