«Бавария» ҳужумчиси Лерой Сане, маълумотларга қараганда, ўз хизматларини «Реал»га таклиф қилди. Футболчининг жамоани тарк этиш борасида қарор қилишига клуб бош мураббийи Юлиан Нагельсманн билан муносабатлари ёмонлашгани сабаб бўлгани айтилмоқда.

Испаниянинг "El Nacional" нашри хабар тарқатишича, Сане ёзда Мюнхенни тарк этишни истамоқда. У доимий ўйин амалиётига бўлишни хоҳламоқда ва «Сантьяго Бернабеу»да бундай имкониятига эга бўлишига ишонмоқда.

Юқоридаги манбага кўра, Нагельсманн Санега у қадар юқори ишонч билдирмаяпти ва бошқа ўйинчилар хизматидан фойдаланмоқда. Бундан эса Лерой норози бўлмоқда. У сўнгги ўйинларда захирага олинган заҳоти жамоа кийим алмаштириш хонасига кириб кетмоқда.

Ўтган йилнинг ёзида Санени «Реал»га таклиф қилишганди, аммо "Қироллик клуби" бу таклифни қабул қилмади. Аммо Эден Азар жамоани тарк этса, германиялик футболчи Мадридга кўчиб ўтиши мумкин.