“Манчестер Юнайтед” бош мураббийи Эрик тен Хаг Европа лигасининг 1/16 финали доирасидаги “Барселона”га (2:2) қарши ўйиндаги ҳакамлар ишидан норози.

Манкунианликлар мураббийининг сўзларига кўра, “кўк-анорранглилар” учрашувни озчиликда якунлаши керак эди.

“Бугун ҳакамлик ўйинга жиддий таъсир қилди. Ҳисоб 2:1 бўлганида, Рэшфордга нисбатан аниқ қоидабузарлик содир бўлди - балки жарима майдончаси ичида эмасдир, лекин у вазият қизил карточка эди. Ҳакам қўполликни кўрмаганини айтди ва мен буни тушунмадим. Ўйлайманки, ҳакамларга мухлислар босими таъсир кўрсатди, аммо Европанинг энг юқори даражасидаги ўйинларда бундай бўлмаслиги керак", - деди нидерландиялик мутахассис матбуот анжуманида.

Жавоб ўйини келаси пайшанба куни "Олд Траффорд"да бўлиб ўтади.