Спорт ҳуқуқи бўйича испаниялик адвокат Хорхе Вакеронинг таъкидлашича, «Барселона» ҳакамларга пора берганликда гумонланиб, УЕФА томонидан санкцияларга дуч келиши мумкин.
УЕФА қоидаларининг бандларидан бирига мувофиқ, агар ташкилот бирор-бир клубнинг миллий чемпионат ёки халқаро миқёсдаги ўйинлар пайти натижага таъсир кўрсатишга ҳаракат қилган ҳар қандай ҳолатда бевосита ёки билвосита иштирок этган деб ҳисобланса, бу жамоа Европа мусобақаларидан четлатилади.
Шу тариқа, «Барселона»нинг айби аниқланса, УЕФА каталонияликларни навбатдаги Чемпионлар лигасида иштирок этишга рухсат бермаслиги мумкин.
Эслатиб ўтамиз, «Барселона» Испания ҳакамлар қўмитасининг собиқ аъзосига спорт натижаларига таъсир ўтказиш учун пул ўтказганликда айбланмоқда.
