Sport huquqi bo‘yicha ispaniyalik advokat Xorxe Vakeroning ta’kidlashicha, «Barselona» hakamlarga pora berganlikda gumonlanib, UYEFA tomonidan sanksiyalarga duch kelishi mumkin.
UYEFA qoidalarining bandlaridan biriga muvofiq, agar tashkilot biror-bir klubning milliy chempionat yoki xalqaro miqyosdagi o‘yinlar payti natijaga ta’sir ko‘rsatishga harakat qilgan har qanday holatda bevosita yoki bilvosita ishtirok etgan deb hisoblansa, bu jamoa Yevropa musobaqalaridan chetlatiladi.
Shu tariqa, «Barselona»ning aybi aniqlansa, UYEFA kataloniyaliklarni navbatdagi Chempionlar ligasida ishtirok etishga ruxsat bermasligi mumkin.
Eslatib o‘tamiz, «Barselona» Ispaniya hakamlar qo‘mitasining sobiq a’zosiga sport natijalariga ta’sir o‘tkazish uchun pul o‘tkazganlikda ayblanmoqda.
