Туркиянинг «Ҳатайспор» клуби ҳужумчиси, аввалроқ «Ньюкасл»да тўп тепган Кристиан Атсу Туркияда кучли зилзиладан сўнг вайроналар остида ўлик ҳолда топилди.
Инглиз клуби расмий сайти орқали бу муносабат билан ҳамдардлик билдирди.
«Собиқ футболчимиз Кристиан Атсу Туркиядаги вайронкор зилзилалар пайтида фожеали тарзда вафот этгани ҳақидаги хабар бизни чуқур қайғуга солди.
Истеъдодли футболчи ва ўзгача инсон эди, у футболчиларимиз, ходимларимиз ва мухлисларимиз томонидан доимо яхши хотиралар билан эсда қолади.
Кристианнинг яқинлари, шунингдек, Туркия, Сурия ва қўшни ҳудудлар халқига ҳамдардлик билдирамиз», — дейилади клуб баёнотида.
