Кўпчиликнинг нигоҳи қаратилган яна бир ўйин, Голландия вице-чемпиони ҳисобланган "АЗ" (Алкмаар) ҳамда Маҳачқалъанинг "Анжи" клуби иштирокидаги ўйинга қаратилган бўлиши табиий.

Маҳачқалъада бўлиб ўтган дастлабки ўйинда "Анжи" қийинчилик билан 1:0 ҳисобида ғалаба қозонган эди.

Минимал ҳисобдаги ғалаба, Гусс Хиддинк шогирдларига гуруҳ босқичи масаласини ҳал қилиш учун етарли бўлмагани ва Голландиядаги жавоб учрашуви анча қийин ўтиши кутилаётган бир пайтда, "Анжи" меҳмонда рақибини тор-мор этди.

Ушбу нуфузли турнирда илк бора қатнашаётганига қарамай, маҳачқалъаликлар ажойиб ўйин намойиш этишди.

Гусс Хиддинк шогирдлари учрашувда рақибидан анча устунлик қилишди ва 5:0 ҳисобида ажойиб ва сенсацион ғалабага эришишди.

Эндиликда, Одил Аҳмедов ҳам ўз жамоаси билан ЕЧЛдан кейинги ўринда турувчи нуфузли мусобақада иштирок этиш ҳуқуқини қўлга киритди.

АЗ - Анжи 0:5 
Голлар: Буссуфа, 17, ЭтоО, 45, Траоре, 79, Карсела-Гонсалес, 83, Лахиялов, 90

Дастлабки Ўйин - 0:1