Педри Европа Лигаси доирасида "Манчестер Юнайтед"га қарши ўйиннинг биринчи бўлимида (2:2) жароҳат олди. Клубнинг матбуот хизмати хабарига кўра, текширувлар испаниялик футболчининг ўнг оёғининг сон қисмидан жароҳат олганини тасдиқлаган.
Mundo Deportivo хабарига кўра, Педри кейинги 6 та ўйинни ўтказиб юборади ва 19-март куни Ла Лига доирасида «Реал»га қарши ўйингача тикланиши керак. Аммо бу ўйиндан олдин ҳам Хавида 4 та қийин синов бўлади: «Реал Мадрид» (кубокда), «Манчестер Юнайтед» (ЕЛ жавоб ўйини), «Атлетик Бильбао» ва «Валенсия».
Педри - Европадаги энг яхши пре-ассист ва унинг кўриш қобилияти ва тезкор паслари дарҳол ўз самарасини беради. 2021/22 йилги мавсумдаги статистик маълумотлар шундан далолат беради: Педри билан каталонияликлар 36 очкодан 32 очко (88,9%), усиз 78 очкодан 41 очко (52,5%) тўплашди.
