Мадриднинг “Реал” клуби бош мураббийи Карло Анчелотти Испания чемпионатининг 22-тури доирасидаги “Осасуна” устидан қозонилган ғалаба (2:0) ҳақида фикр билдирди.
Италиялик мутахассис ўз жамоасининг бирдамлигини таъкидлади, бунинг натижасида шундай муҳим ғалабага эришди.
"Бу кучли ўйин бўлди, чемпионлик учун курашда қолиш учун унда ғалаба қозониш муҳим эди, шунинг учун биз стадиондан хурсанд ҳолда кетамиз", - деди Анчелотти ўйиндан кейин.
"Реал" шу кунгача ўтказилган 22 учрашувда 51 очко жамғариб, Испания чемпионати турнир жадвалида иккинчи ўринда бормоқда. Пешқадам “Барселона”дан “қаймоқранглилар” беш очко ортда қолмоқда, каталонияликларнинг ҳисобида битта захира ўйини бор.
