Ла Лига раҳбари Хавер Тебас "Барселона" атрофидаги ҳакамлар можароси ҳақида гапирди.

Аввалроқ клуб Испания ҳакамлар қўмитаси собиқ вице-президенти Хосе Мария Энрикес Негрейрага 2016-2018 йиллар давомида 1,4 млн евро тўлагани ҳақида хабар берилганди. Клубнинг аниқлик киритишича, Испания Қироллик футбол федерацияси расмийси ёш футболчилар ва ҳакамлик борасидаги ҳисоботлари учун маош олган.

Ўшанда "Барселона" Негрейрага 2003 йилдан бери 4,7 миллион евро тўлагани маълум бўлди. Клубдан тушган тўловлар унинг компаниясининг 2016-2018 йиллардаги айланмасининг 95 фоизини ташкил қилган. Кейинчалик маълум бўлишича, Негрейра ўйинлар олдидан "Барселона"га ҳакамлар ҳисоботини тақдим этган.

Тебаснинг айтишича, "Барселона" жазоланмайди, чунки бу каби қоидабузарликлар учун Ла Лига томонидан белгиланган даъво муддати тугаган.

"Барселона" фирибгарнинг қурбони бўлиши мумкин эди. Мен ҳамма нарсани кўрдим. Мен кўрганман, сохталаштиришга уриниш, клублардан фойда кўраётганлар... Бизнинг ёшимиз катта одамлармиз. Кўп йиллар... Бу ҳайратланарли бўларди. Вазиятни ҳуқуқий соҳада тушунтириш керак. Агар иш судгача борса, биз у ерда бўламиз.

Агар бунга "Барселона" аралашган бўлса, улар учун оқибатлари ёмон бўлиши керак эди. Шу жумладан ҳуқуқий томондан. Негрейра фирибгар. Бу мени ажаблантирмасди. Мен ҳакамларга ишонаман ва улар Негрейра уларнинг фаолиятига халақит бермаганини айтишмоқда. "Барселона"нинг содда раҳбарияти тузоққа тушиб қолди. Бу футболга катта зарар келтиради", - деди Тебас.