"ПСЖ" чап қанот ҳимоячиси Нуну Мендеш бугунги "Лилль"га қарши ўйинда жароҳат олди.
20 ёшли футболчи парижликларнинг 4:3 ҳисобидаги ғалабаси билан якунланган ўйиннинг 31-дақиқасидаёқ майдонни тарк этишга мажбур бўлди.
L'Equipe хабарига кўра, португалияликнинг жароҳати унчалик жиддий эмас: у Лига 1нинг навбатдаги турида "Марсель"га қарши ўйинига қадар тузалиб кетиши даргумон, аммо у Чемпионлар 1/8 финалининг "Бавария"га қарши жавоб учрашувида майдонга қайтади.
Умуман олганда, Нуну Мендеш жорий мавсумда 23 та ўйинда майдонга тушди. Ёш ҳимоячи иккита гол урди ва бешта голли узатмани амалга оширди.
