"Реал" ҳужумчиси Карим Бензема "Сантьяго Бернабеу"да келажаги борлигига шубҳа қилмоқда.
Relevo нашри хабарига кўра, аввалроқ хабар қилинганидек, футболчи ҳалигача "қироллик клуби" билан шартномасини узайтиргани йўқ.
Эслатиб ўтамиз, Бенземанинг "Реал" билан шартномаси тугашига уч ойдан сал кўпроқ вақт қолди. Аввалроқ, франциялик футболчининг келишуви келаси мавсум охиригача узайтирилгани ҳақида хабарлар тарқалган эди, бироқ бу маълумот ҳали тасдиқланмади.
Бензема бу мавсумда турли жароҳатлар туфайли жуда кўп азоб чекди. Франциялик футболчи Испания чемпионатининг жорий мавсумида 11 та гол урган бўлса-да, жароҳати туфайли барча мусобақаларда 12 та ўйинни ўтказиб юборди.
