Про лига ўйинларига тайёргарлик кўраётган "Динамо" жамоаси Тошкентдаги 2-босқич йиғини доирасидаги сўнгги ўйинида Суперлиганинг амалдаги чемпиони "Пахтакор"га қарши майдонга тушди.
Қибрайда ўтган учрашув муросасиз ва қизиқарли ўтди. Шу куни Вадим Абрамов ва Максим Шацких ўйинга асосий таркибни майдонга туширди.
Ҳисоб 15-дақиқада "Пахтакор" легионери Гиорги Папава томонидан очилган бўлса, 2-бўлимда захирадан майдонга тушган Хуршид Убайдуллаев фарқни тенглаштирди – 1:1.
Қайд этиш жоиз, 25-дақиқада Ҳожиакбар Алижонов ва Францис Нарх майдонда ўзаро орани очиқ қилгани учун бош ҳакам Аҳрор Рисқуллаев томонидан четлатилди.
"Динамо" бугун Самарқандга қайтиб, уч кундан кейин яна Тошкентга қайтиб, якуний йиғинни ўтказади.
Ўртоқлик ўйини. Қибрай.
20 февраль (душанба)
"Пахтакор" - "Динамо" - 1:1
Бош ҳакам: Аҳрор Рисқуллаев
Голлар: Гиоги Папава 15 – Хуршид Убайдуллаев 77
"Пахтакор": Элдорбек Суюнов, Достон Турсунов, Шаҳзод Азмиддинов, Ҳожиакбар Алижонов, Фаррух Сайфиев, Одил Ҳамробеков, Сардор Собирхўжаев, Азизбек Турғунбоев (Сардор Рашидов), Гиорги Папава, Достонбек Ҳамдамов, Драган Черан
"Динамо": Равшанбек Ягудин, Эркин Бойдуллаев, Евгений Назаров, Салим Мустафоев, Комил Шарофутдинов, Жасур Қурбонов, Ҳазрат Турсунқулов, Францис Нарх, Элгужа Григалашвили, Дэррик, Жоэль
Захира таркиби: Фарҳод Раҳматов, Бобур Мамадаминов, Хуршид Убайдуллаев, Жасур Холдоров, Воҳид Оқбўтаев, Коике Юдаи, Жавлон Маликов, Акмал Козимов, Абдужамол Исроилов, Муҳаммадбобур Асадуллаев, Виталий Акопов, Баҳодир Абдувалиев.
Четлатишлар: Ҳожиакбар Алижонов 25 – Францис Нарх – 25.
