"Астон Вилла" дарвозабони Эмилиано Мартинес ёзги трансфер ойнасида клубини ўзгартириши кутилмоқда. Goal портали хабарига кўра, 30 ёшли аргентиналик кипер Чемпионлар лигасида ўйнайдиган жамоа сафида бўлишни истамоқда.
Аввалроқ матбуотда "Астон Вилла" ёзда Эмилиано Мартинесни қиммат нархга сотиши мумкинлиги ҳақида хабарлар тарқалган эди.
Эмилиано Мартинес Аргентина терма жамоаси таркибида жаҳон чемпионатида порлади. "Альбиселесте" Қатардаги турнирда ғолиб чиқди, Мартинес эса турнирнинг энг яхши дарвозабони совринини олди.
Эслатиб ўтамиз, Transfermarkt портали Эмилианони 28 миллион еврога баҳоламоқда.
