«Манчестер Сити» бош мураббийи Хосеп Гвардиола франциялик ҳужумчи Кристофер Нкункунинг савияси ҳақида ўз фикрлари билан ўртоқлашди.

Шунингдек, испаниялик мураббий Нкункунинг бугунги Чемпионлар лигаси ўйинида майдонга туша олмаслигига қандай муносабатда эканлигини айтиб ўтди.

«Нкунку жаҳон даражасидаги топ футболчи. Умид қиламанки, у жиддий жароҳатдан фориғ бўлади. Жаҳон чемпионатини ўтказиб юборишга мажбур бўлгани ачинарли эди.

Биз унинг юқори тоифадаги футболчи эканлигини охирги мавсумидан кўрдик. Умид қиламанки, у иккинчи ўйингача қайтади.

Мен ҳар доим топ-клубларнинг энг яхши футболчиларига қарши ўйнашни ёқтираман. Эшитишимча, у қайтишга яқин турибди», - деди Гвардиола.

Эслатиб ўтамиз, Нкунку Қатарда бўлиб ўтадиган жаҳон чемпионати олдидан Франция терма жамоасидаги машғулот вақтида жароҳат олган эди.