Турин прокуратураси "Ювентус"нинг А Серия клублари "Аталанта" ва "Удинезе" билан тузилган шубҳали трансфер келишувларини текширмоқда.
La Repubblica хабарига кўра, прокурорлар "бянконери" клублардан молиявий ҳисобот кўрсаткичларини талаб қилиш учун банк сифатида фойдалангани ҳақида далилларни аниқлаган. А Сериясида қайд этилмаган махфий келишувлар топилди.
Хусусан, “Ювентус” 2016 йилнинг январида 9 миллион евро эвазига сотиб олган Роландо Мандрагоранинг трансфери шубҳаларни кучайтирди. "Пескара" ва "Кротоне" клубларида ижарага олингандан сўнг, ярим ҳимоячи 2018 йилда "Удинезе"га 20 миллион еврога сотилди ва бу ҳисобот даврида "Юве"га 13,7 миллион евро сармоя киритиш имконини берди.
Бироқ орадан икки йил ўтиб Турин клуби Мандрагора билан яна шартнома имзолади ва 10 миллион евро ва яна 6 миллион евро бонуслар тўлади. Ҳозирда "Фиорентина"да ўйнаётган Мандрагора, унинг агенти бўлган отаси, "Удинезе" вице-президенти Стефано Кампоксия ва "Юве"нинг собиқ директори Маурицио Ломбардо гувоҳ сифатида сўроқ қилинади.
Шунингдек, "Ювентус" ва "Аталанта" ўртасида молиявий ҳисоботга киритилмаган жами 14,5 миллион евролик 4 та шубҳали транзакцияни текшириш режалаштирилган. Гап Федерико Маттиелло, Симоне Мураторе, Маттиа Калдара ва Кристиан Ромеронинг трансферларини қоплаш мажбурияти ҳақида бормоқда.
Иш бўйича дастлабки суд мажлиси 27 мартга белгиланган.
