Turin prokuraturasi "Yuventus"ning A Seriya klublari "Atalanta" va "Udineze" bilan tuzilgan shubhali transfer kelishuvlarini tekshirmoqda.

La Repubblica xabariga ko‘ra, prokurorlar "byankoneri" klublardan moliyaviy hisobot ko‘rsatkichlarini talab qilish uchun bank sifatida foydalangani haqida dalillarni aniqlagan. A Seriyasida qayd etilmagan maxfiy kelishuvlar topildi.

Xususan, “Yuventus” 2016 yilning yanvarida 9 million yevro evaziga sotib olgan Rolando Mandragoraning transferi shubhalarni kuchaytirdi. "Peskara" va "Krotone" klublarida ijaraga olingandan so‘ng, yarim himoyachi 2018 yilda "Udineze"ga 20 million yevroga sotildi va bu hisobot davrida "Yuve"ga 13,7 million yevro sarmoya kiritish imkonini berdi.

Biroq oradan ikki yil o‘tib Turin klubi Mandragora bilan yana shartnoma imzoladi va 10 million yevro va yana 6 million yevro bonuslar to‘ladi. Hozirda "Fiorentina"da o‘ynayotgan Mandragora, uning agenti bo‘lgan otasi, "Udineze" vise-prezidenti Stefano Kampoksiya va "Yuve"ning sobiq direktori Maurisio Lombardo guvoh sifatida so‘roq qilinadi.

Shuningdek, "Yuventus" va "Atalanta" o‘rtasida moliyaviy hisobotga kiritilmagan jami 14,5 million yevrolik 4 ta shubhali tranzaksiyani tekshirish rejalashtirilgan. Gap Federiko Mattiyello, Simone Muratore, Mattia Kaldara va Kristian Romeroning transferlarini qoplash majburiyati haqida bormoqda.

Ish bo‘yicha dastlabki sud majlisi 27 martga belgilangan.