"Барселона" ярим ҳимоячиси Серхио Бускетс Европа лигаси доирасида "Манчестер Юнайтед"дан қабул қилиб (1:2) олинган мағлубият ҳақида гапирди.
"Биз Ла Лигада яхши ўйнаяпмиз, лекин Европада бизга бироз омад етишмаяпти. Биз ҳамма нарсани ютиш учун ҳаракат қилишимиз керак. Биз тўғри йўлдамиз ва ишончим комилки, бу мағлубият жамоага таъсир қилмайди. Чемпионлар лигаси ва Европа лигасидан чиқиб кетишимиз бошқача. Чемпионлар лигасида ақл бовар қилмайдиган кўплаб воқеалар содир бўлди. Баъзи ўйинларда биз унчалик яхши бўлмадик. Бугун ҳаммаси бошқача эди. Биз АПЛнинг энг яхши жамоаларидан бири билан тенгма-тенг ўйнадик. Мағлубиятлар содир бўлиб туради", - деди Бускетс Movistar билан суҳбатда.
Каталония жамоаси турнирнинг 1/8 финалига чиқа олмасдан Европа лигасини тарк этди.
Испания чемпионатида "Барселона" 22 ўйинда 59 очко билан турнир жадвалида пешқадамлик қилмоқда.