Бугун Косонсойда ўтказиладиган “Навбаҳор” ва “Насаф” жамоалари иштирокидаги ўйин аввалдан белгиланган муддатдан 15 дақиқа илгари бошланади.
Хабарингиз бор, “Навбаҳор” футболчилари Намангандаги Марказий стадионда қайта таъмирлаш ишлари кетаётганлиги боис уй учрашувларини Косонсойда ўтказишмоқда. Аммо Косонсойдаги стадионда ёритиш тизими билан боғлиқ муаммолар туфайли олий лиганинг 18-туридан ўрин олган “Навбаҳор”- “Насаф” учрашуви олдиндан белгиланганидек 17:00 да эмас, балки 16:45 да бошланади.
Ҳар доимгидек учрашув давомида клубимизнинг Твиттердаги (@fcnasaf) расмий саҳифасида ўйин ОНЛАЙН тарзда ёритиб борилади.
“Насаф” футболчилари кеча Наманган шаҳрига етиб келишди ва илк машғулотни ўтказишди. Жамоа таркибидан 20 нафар футболчи жой олган. Жароҳати боис Жаҳонгир Жиямуродов, Шерзод Аъзамов ва Шуҳратбек Мирҳолдиршоев бугунги ўйинда “Насаф”га ёрдам бера олишмайди.