"Ливерпуль" бош мураббийи Юрген Клоппнинг фикрича, ҳужумчи Муҳаммад Салоҳ аллақачон "Ливерпуль" афсонаси деб ҳисобланиши мумкин.
"Салоҳ - "Ливерпуль" афсонаси. Бундай ўйинчиларнинг буюклигини улар жамоада бўлмаган пайтда англай бошлайсиз. Биз унинг буюклигини аллақачон кўрганмиз. Муҳаммад "Ливерпуль" тарихига улкан ҳисса қўшди", - деди Клопп матбуот анжуманида.
Эслатиб ўтамиз, Салоҳ "Ливерпуль" тарихидаги бешинчи тўпурар ҳисобланади. Мисрлик футболчи жамоага 2017 йилнинг ёзида, Италиянинг "Рома"сидан келиб қўшилган эди. Жорий мавсумда Муҳаммад Премьер-лигада 8 та гол урди ва 5 та голли узатмани амалга оширди.
