«Машъал» - «Андижон» ёшлари ўртасидаги учрашув ўз ниҳоясига етганидан кейин андижонликлар устози Нозим Муллаохунов учрашувдан олган таассуротлари билан ўртоқлашди.

Нозим Муллаохунов: «Бугунги учрашувда устунлик биз томонда бўлди. Ўйинни ўз назоратимиз остида ушлаб турдик. Бир қатор голга тортадиган яхши вазиятларни яратдик. Акмал Эргашев, Акмал Жўрабоев каби ҳужумчиларимиз икки мартадан дарвозабон билан яккама-якка вазиятга чиқишган бўлса-да, аммо омад улардан юз ўгирди.

Умуман олганда, шогирдларим яхши ўйин намойиш этишди. Тўғриси, меҳмонда анчадан бери очко қўлга кирита олмай келаётгандик. Бу сафар эса бир очко бўлса ҳам «ишлаб» олдик. Йигитлар узоқ йўл босиб келишган бўлсалар-да, майдонда устунликларини кўрсата олдилар. Бунинг учун футболчилардан миннатдорман.