"Ливерпуль" бош мураббийи Юрген Клопп ярим ҳимоячиси Фабиньонинг ҳозирги формасини юқори баҳолади.
"Фабиньонинг ҳозирги формаси 3-4 ҳафта олдингисидан кескин фарқ қилади. У бу ҳолатини сақлаб қолиши учун ҳамма нарсани қилишимиз керак.
Фабиньо анча яхши ўйнай бошлади. Ёмон вақтлар бор, ҳамма нарса вақт талаб этади”, - деди Клопп матбуот анжуманида.
Аввалроқ, "Ливерпуль" жорий мавсум якунида Фабиньо билан хайрлашишга қарор қилгани ҳақида хабарлар тарқалган эди. Бразилиялик футболчи Премьер-лигасининг ушбу мавсумида 20 та ўйин ўтказган бўлса, бирорта ҳам самарали ҳаракати билан ажралиб тура олмади. Фабиньо "Ливерпуль"да 2018 йилнинг ёзида "Монако"дан жамоага ўтганидан бери тўп суради.
