"Реал" бош мураббийи Карло Анчелотти "Атлетико"га қарши ўйин (1:1) ҳақида фикр билдирди.
"Биз бошқа жамоанинг маҳорати туфайли гол ўтказиб юбордик, буни футболда ҳисобга олишимиз керак. Бизнинг голимиз давомида улар билан ҳам шундай бўлди. Уларнинг голи биз олдинга чиқиб олишимиз мумкин бўлган бир вақтда тушди ва бу жамоанинг руҳиятини туширди. Энг яхши формада эмаслигимиз нормал ҳолат, чунки бу 50 кун ичида 17-ўйин. Альваро Родригес ўзининг барча фазилатларини кўрсатди ва бу унинг учун ҳам, биз учун ҳам ўзгача кечадир, чунки биз мавсумнинг ушбу қисмида у фойдали бўлишини тушуна бошладик. У кейинги мавсумда асосий таркибда бўлади, чунки унда кам одамга эга бўлган сифат бор. Ўз ёшига кўра, у баланд бўйли, бақувват ва боши билан яхши ўйнайди", - деди Анчелотти клуб расмий сайтига.
