"Реал Мадрид" ўзининг ёш футболчиси Альваро Родригеснинг сўнгги ўйинларидан ҳайратда қолди. Айни дамда футболчи "Кастилья" футболчиси сифатида рўйхатдан ўтган, бироқ раҳбарият буни тез орада тузатмоқчи.
ABC маълумотларига кўра, "Реал Мадрид" Родригесни кейинги мавсумда асосий жамоа ўйинчиси сифатида рўйхатдан ўтказмоқчи. Бундан ташқари, ўйинчига янги рақам берилади (1 дан 25 гача). Хабар қилинишича, бош мураббий Карло Анчелотти Родригеснинг маҳоратини юқори баҳолаган.
Жорий мавсумда 18 ёшли Альваро “Реал” сафида Испания чемпионатида атиги 15 дақиқа ўтказди. Бу қисқа вақт ичида Родригес гол ва голли узатмани амалга оширишга муваффақ бўлди.
