"Манчестер Юнайтед" афсонаси Сер Алекс Фергюсондан юқори спорт формасида бўлган Маркус Рэшфорд ҳақида сўрашди.

“Мен уни соф марказий ҳужумчи деб ҳисобламайман. У ҳужумнинг чап томонида кўпроқ фантастик ҳаракат қилади. У кеча ўйинни яхши якунлади ва ҳозирда ажойиб формада”, - деди Фергюсон.

Мутахассис шунингдек жамоа яна бир форвард билан шартнома имзолаши кераклигини айтди.

“Афсуски, биз учун голларнинг асосий манбаи айнан Рэшфорд. Биз яна бир тўпурарни ўз сафимизга қўшиб олишимиз керак", - деди шотландиялик собиқ мураббий.

Эслатиб ўтамиз, якшанба куни "Манчестер Юнайтед" Лига кубоги финалида "Ньюкасл"ни 2:0 ҳисобида мағлуб этганди.