"Барселона" дарвозабони Иньяки Пенья катта эҳтимол билан мавсум охирида клубни текинга тарк этади. Эслатиб ўтамиз, "кўк-анорранглилар"нинг захира дарвозабони билан шартномаси ёзда якунига етади.

La Porta de Nunez хабарига кўра, футболчини "Барселона" унга таклиф қилган янги шартнома шартлари қониқтирмаяпти. Иньякининг қўлида бошқа клублардан яхшироқ таклифлар бор, унда асосий таркибда ўйнаш кафолатланган.

Бу мавсумда Пенья ҳеч қачон "Барселона" сафида майдонга тушмаган. Дарвозабон сўнгги мавсумнинг иккинчи ярмини ижара асосида Туркиянинг "Галатасарой" клубида ўтказди.