"Barselona" darvozaboni Inyaki Penya katta ehtimol bilan mavsum oxirida klubni tekinga tark etadi. Eslatib o‘tamiz, "ko‘k-anorranglilar"ning zaxira darvozaboni bilan shartnomasi yozda yakuniga yetadi.
La Porta de Nunez xabariga ko‘ra, futbolchini "Barselona" unga taklif qilgan yangi shartnoma shartlari qoniqtirmayapti. Inyakining qo‘lida boshqa klublardan yaxshiroq takliflar bor, unda asosiy tarkibda o‘ynash kafolatlangan.
Bu mavsumda Penya hech qachon "Barselona" safida maydonga tushmagan. Darvozabon so‘nggi mavsumning ikkinchi yarmini ijara asosida Turkiyaning "Galatasaroy" klubida o‘tkazdi.
