"Ливерпуль" ярим ҳимоячиси Артур Мело ватанига қайтиши мумкин.
Бразилиялик футболчи мавсум бошида олган жиддий жароҳатидан тикланишда давом этмоқда. Эслатиб ўтамиз, 26 ёшли футболчи трансферига бўлган ҳуқуқлар "Ювентус"га тегишли, аммо "Ливерпуль" ярим ҳимоячини 37,5 миллион еврога сотиб олиш имкониятига эга, аммо "қизиллар" улардан фойдаланиши даргумон.
Журналист Экрем Конурнинг ёзишича, Бразилиянинг “Гремио” клуби Артур билан боғлиқ вазиятни диққат билан кузатиб бормоқда. Футболчининг ўзи эса фаолиятини Европада давом эттирмоқчи.
Артур Мелонинг "Ювентус" билан шартномаси 2025 йилнинг июнигача амал қилади. Transfermarkt экспертлари фикрича, футболчининг нархи 18 миллион еврони ташкил қилади.