"Liverpul" yarim himoyachisi Artur Melo vataniga qaytishi mumkin.
Braziliyalik futbolchi mavsum boshida olgan jiddiy jarohatidan tiklanishda davom etmoqda. Eslatib o‘tamiz, 26 yoshli futbolchi transferiga bo‘lgan huquqlar "Yuventus"ga tegishli, ammo "Liverpul" yarim himoyachini 37,5 million yevroga sotib olish imkoniyatiga ega, ammo "qizillar" ulardan foydalanishi dargumon.
Jurnalist Ekrem Konurning yozishicha, Braziliyaning “Gremio” klubi Artur bilan bog‘liq vaziyatni diqqat bilan kuzatib bormoqda. Futbolchining o‘zi esa faoliyatini Yevropada davom ettirmoqchi.
Artur Meloning "Yuventus" bilan shartnomasi 2025 yilning iyunigacha amal qiladi. Transfermarkt ekspertlari fikricha, futbolchining narxi 18 million yevroni tashkil qiladi.