Совринли ўринлар учун кураш олиб бораётган Ғузорнинг “Шўртан” клуби ўз майдонида мамлакатимизнинг номдор клубларидан бири – Фарғонанинг “Нефтчи” клубини қабул қилди.

“Шўртан” клуби бош мураббийи Эдгар Гесс ҳам, меҳмонлар бош мураббийи Юрий Саркисян ҳам учрашувдан олдин таркиб борасида ҳеч қандай муаммога дуч келмади. Фақатгина “Шўртан” жамоасининг 3 нафар, “Нефтчи” футболчиларининг олти нафарида учтадан сариқ карточка борлиги сабабли, бироз эҳтиёткорлик билан ҳаракат қилишлари талаб этиларди. Акс ҳолда, 3 тадан сариқ карточка олган футболчилар кейинги учрашувларда ўз жамоаларига ёрдам бера олмасликлари мумкин эди.

Учрашувнинг дастлабки дақиқасида Анвар Бердиевнинг етказиб берган тўпини Мансур Саидов кутилмаганда дарвоза томон йўналтирди. Михаил Наумов эса катта қийинчилик билан қайтариб қолди.

3-дақиқада Пономарёв томонидан ошириб берилган тўпни Тожиев қабул қилиб олди ва зудлик билан Афонинга етказиб берди. Бироқ, Вадимнинг дарвоза томон йўллаган кучсиз зарбасини Фарруҳ Турдиалиев ушлаб олди.

4-дақиқада Лазиз Убайдуллаевнинг чап қанотдан ошириб берган тўпини Фарҳод Тожиев бу сафар Таранга етказиб берди. Таран эса бир ҳимоячини алдаб ўтиб, рақиб дарвозаси томон йўллаган зарбаси ҳимоячига тегиб майдон ташқарисига чиқиб кетди.

5-дақиқада Мерзлякков томонидан тўпни қабул қилиб олган Тожиев яна Таранга тўпни етказиб берди. Таран эса чамаси 25 метрлардан йўллаган кучсиз, аммо, аниқ зарбаси Фарруҳ Турдиалиевдан ўтиб кетди. Бироқ, бу сафар “Нефтчи” жамоасини дарвоза устуни голдан сақлаб қолди.

11-дақиқада Александр Мерзляков дарвоза томон оҳиста яқинлашиб келди ва чамаси 25 метрлардан кучли зарба берди. Аммо, унинг бу сафарги зарбаси дарвозанинг салгина юқорисидан ўтиб кетди.

15-дақиқада Мерзляковнинг чап қанотдан ошириб берган тўпини Фарҳод Тожиев боши билан Қодирқуловга ташлаб берди. Ботир эса боши билан рақиб дарвозаси томон зарба берди, лекин дарвоза тўсини бу сафар “Нефтчи” жонига оро кирди.

16-дақиқада Лазиз Убайдуллаевнинг чамаси 25 метрлардан йўллаган кучли зарбасини “Нефтчи” посбони қайтариб қолди. Қайтган тўпга эса биринчи бўлиб етиб келган Игорь Таран бўш қолган дарвозани қийинчиликсиз ишғол этди – 1:0. Шу тариқа, “Шўртан” таркибида энг кўп майдонга тушган ва рақиблар дарвозасини энг кўп нишонга олган Игорь Таран “Шўртан” жамоасининг Олий лигадаги 250-голини киритди.

25-дақиқада Афониннинг ўнг тарафдан ошириб берган тўпини Асрор Алиқулов қарама-қарши қанотда эгаллаб олиб, Афониннинг ўзига етказиб берди. Лекин, Вадимнинг бош билан йўллаган зарбаси дарвоза юқорисидан ўтиб кетди.

26-дақиқада Александр Мерзляков жуда қулай вазиятга чиқиб борди ва рақиб дарвозаси томон кучли зарба йўллади. Сашанинг йўллаган зарбасини Турдиалиев катта қийинчилик билан майдон ташқарисига чиқариб юборди.

26-дақиқада Вадим Афонин томонидан ошириб берилган бурчак тўпини Ҳамза Каримов рақибларига нисбатан баланд сакраган ҳолда боши билан рақиб дарвозаси томон зарба берди, лекин бу сафар ҳам салгина ноаниқ кетди.

30-дақиқада Ботир Қодирқуловнинг ўнг қанотдан етказиб берган тўпини рақиб жарима майдончаси ичида эгаллаб олган Фарҳод Тожиев Игорь Таранга тўпни ташлаб берди. Тараннинг эса йўллаган кучли зарбасини дарвоза устуни қайтариб қолди.

31-дақиқада эса “Нефтчи” жамоасининг камсонли ҳужуми гол билан якунланиши мумкин эди. Мансур Саидов чап қанотдан катта тезлик билан олдинга ташланди. Уни эса Алиқулов таъқиб қилиб борди. Қулай вазиятга чиқиб борган Саидовнинг йўллаган зарбасини Наумов қайтариб қолди.

35-дақиқада Афониннинг рақиб жарима майдончасига кириб йўллаган зарбасини Турдиалиев қайтарди, қайтган тўпга Ботир Қодирқулов зарба берди, бу сафар ҳам қайтариб, иккинчи уринишида тўпни эгаллаб олди.

41-дақиқада Александр Мерзляковнинг чамаси 25 метрлардан йўллаган зарбасини Фарруҳ Турдиалиев аранг қайтариб қолди.

41-дақиқада бурчакдан ошириб берилган тўпни Соро Тожиевга ташлаб берди, Фарҳод эса чап оёғида кучли зарба берди, лекин Турдиалиев бу сафар ҳам эгаллаб олди.

42-дақиқада Анвар Бердиев чамаси 30 метрлардан кетма-кет икки марта жарима тўпини ижро этди. Қизиқарлиси, Бердиевнинг иккала йўллаган зарбасини ҳам дарвоза устуни ва тўсини қайтариб қолди.

Шу тариқа, қизиқарли ва ҳужумкор руҳда ўтган биринчи таймда “Шўртан” 1:0 ҳисобида ғолиб сифатида танаффусга йўл олди.

Иккинчи бўлим “Нефтчи” жамоасининг ҳужуми билан бошланди. Ўнг қанотдан ошириб берилган тўпга Анвар Бердиев зарба берди, лекин салгина ноаниқ кетди.

49-дақиқада Фарҳод Тожиевдан тўпни қабул қилиб олган Патрик Агбо бир ҳимоячи қаршисида туриб рақиб дарвозаси томон зарба берди, лекин тўп ҳимоячига теккан ҳолда майдон ташқарисига чиқиб кетди.

53-дақиқада Игорь Тарандан тўпни қабул қилиб олган Фарҳод Тожиев рақиб жарима майдончасига чап қанотдан ёриб кириб, дарвоза томон зарба берди, лекин тўпи ҳимоячиларга теккан ҳолда майдондан ташқарисига чиқиб кетди.

54-дақиқада бурчакдан ошириб берилган тўпни қабул қилиб олган Ҳамза Каримов Ботир Қодирқуловга етказиб берди. Ботир Қодирқулов эса жуда қулай вазиятга чиқиб бориб, чап оёғи билан рақиб дарвозасининг юқори ўнг бурчагини аниқ нишонга олди.

60-дақиқада бурчакдан ошириб берилган тўпни Ҳамза Каримов эгаллаб олиб, Фарҳод Тожиевга ташлаб берди, Тожиевнинг чамаси 13 метрлардан йўллаган кучли зарбаси бирозгина ноаниқ кетди.

68-дақиқада Мансур Саидовнинг ўнг қанотдан уюштирган ҳужуми хавфли кўриниш олди. Рақиб жарима майдончасига ёриб кирган Мансурнинг тўп оширишидан сўнг Бердиев “Шўртан” дарвозаси томон зарба берди, лекин Вячеслав Пономарёв жамоасини муқаррар голдан сақлаб қолди.

82-дақиқада қанотдан ошириб берилган тўпни Анвар Бердиев боши билан йўллаган зарбасини Михаил Наумов катта қийинчилик билан майдон ташқарисига чиқариб юборди.

90-дақиқада Шерзод Ҳакимовнинг ўнг қанотдан ошириб берган тўпини Анвар Бердиев акробатик усулда рақиб дарвозаси томон йўллади, лекин салгина ноаниқ кетди.

Шу тариқа, “Шўртан” ҳамда “Нефтчи” жамоалари ўртасидаги баҳсда “Шўртан” 2:0 ҳисобида ғалаба қозонди.

“Шўртан”-“Нефтчи” 2:0 (1:0)
04.09.2012 йил. 18-тур. Ғузор.
Ҳакамлар: М. Исмаилов, Р. Ильясов, М. Саидқосимов, А. Кенжаев.
“Шўртан”: М. Наумов, А. Алиқулов, Ҳ. Каримов, А. Мерзляков, Л. Убайдуллаев (П. Агбо 46), В. Афонин, Т. Соро, Б. Қодирқулов (Б. Қодирқулов 76), В. Пономарёв, И. Таран, Ф. Тожиев (В. Клишин 85).
“Нефтчи”: Ф. Турдиалиев, Ш. Насибуллаев, Ш. Пўлатов, Б. Якубов, О. Нурбоев, М. Низомиддинов, И. Акрамов (С. Соибов 62), М. Саидов, С. Асқаралиев (О. Исроилов 78), С. Мирзаев (Ш. Ҳакимов 57), А. Бердиев.
Голлар: И. Таран 16, Б. Қодирқулов 2:0
Огоҳлантиришлар: М. Низомиддинов 50, Б. Қодирқулов 55,
Назоратчи: А. Абдуллаев.