Шахмат бўйича Бутунжаҳон олимпиадада иштирок этаётган Ўзбекистон эркаклар ва аёллар терма жамоалари кеча бўлиб ўтган 7-турда ҳам ғалаба нашидасини суришди.

Эркаклар терма жамоамизнинг рақиби Бразилия бўлди ва унда Қосимжонов бошлиқ спортчиларимиз 3-1 ҳисобида ғалаба қозонишди. Партиялар бўйича 2та доскада дуранг қайд этилган бўлса, иккитасида вакилларимиз рақибларидан устун келишди.
Бразилия – Ўзбекистон – 1:3
Лео Хойос - Рустам Қосимжонов – 0,5-0,5
Гонсалез Замора - Антон Филиппов – 0-1
Гонсалез Гарсия - Марат Жумаев – 0-1
Ибарра Чами - Андрей Квон – 0,5-0,5

Навбатдаги ғалабадан кейин Ўзбекистон терма жамоаси 9-ўринга кўтарилиб олди. 6-турдан кейин вакилларимиз 20-ўринни банд этиб туришганди.

8-турда ўзбекистонликлар жуда кучли рақиб – Арманистон билан куч синашади. Бу гали рақибларимиз кеча Хитойга 1,5-2,5 ҳисобида ютқазиб қўйишди ва 7-турдан кейин 4-ўринни эгаллаб туришибди. Арманлар мусобақада 3-рейтингли жамоа сифатида тартибланишган.

Мусобақа жадвалини Россия, Хитой ва Украина терма жамоалари бошқаришмоқда.